Real LOve..It's my story with 3thabi

السلام عليكم ورحمة الله وبركااته..

هاي اول مشاركه لي...وأول منتدى اعرض فيه قصتي..ان شاء الله تعيبكم

بحط اول جـزء واذا عيبتكم بكمل


الجـزء الأول//مجنون شفتج شوفتج جننت بي

تاريخ 24/1/ 2008 فـ هاليوم انا انكسرت وكنت احس مالي حد ف هالدنيا فارقت وحده وحسيت اني فارقت روحي.. كل صبح اصبحه وكل ليله تمر علي و انا دموعي ما تفارق عيوني...فقدت الامل ف كل شي كنت اشوف الدنيا كلها جذب وغدر وخيانه...ما في حد يقدر يحب و يوفي بحبه...تمر الاياام وانا ابا اشرد من الي فيني..ابا انسى ابا اعيش حياتي من يديد بس الحزن والضيج كان يسكني..اضحك مع اهلي و عيوني تفضحني صرت اضعف من الضعيف و دوووم كنت اقول ليش اعطي واعطي واعطي وآخر شي ما احصل الا دموووع

مرت الاياااااام وسرت عيمان عند اغلـى الناس عندي الي هم بنات خالتي...سـرت عشان انسى الي فيني واغير من نفسي.. لأن وجودي بقربهم كاان يريحني...سرت وانا حاطه ف بالي شي وااحد " قلبـــي مستحيل اسلمه لشخص ثاني"...
بعيش حياتي وبضحك وبسولف وبنسى كل شـي مثل ما "......." عاشت حياتها ومستانسه ونست الي بيني وبينها..

مر اسبوع الاول وانا للحين احااول اتأقلم وانسى ف اسبوع الثاني وانا باجي لي يوم او يومين وارد الخور..بالصدفه شفت مسن بنت خالتي مفتووح قلت خلني اطفر بالي عندها وقبل ما ارمس الي عندها ف المسن سألت عنهم..وقالت لي عنهم وبينهم كلهم وحده شدتني ما ادري لييش ياني فضوول اني ابا اعرف اكثر عنها..المهم كلمتها وانا مستاااانسه اني اكلمها ومن ضمن الكلام الي كنت اقولها ( لو حبيتج بتخلين حبيبتج عشاني) طبعا انا كنت ارمسها على اساس اني بنت خالتي الي هي ربيعتها ومن ردها تحمست قالت لي: ( هييه عااادي)

وكملت معاها...تحمست اكثر يوم قالت لي انها مب وايد ويا حبيبتها قلت يت الفرصه الي اكشف نفسي فيها..وقلت لها عني ما صدقت خلتني احلف لها اكثر عن 5 مراااات وهي بعد مب مصدقه<<<لأن هي سامعه عن سوالفي من بنت خالتي بس ولا مره كلمتني..المهم عقب انا تضايجت لانها مب مصدقه اني انا الي ارمسها

يت بنت خالتي ورمستها وقالت لها عن كل شي وعقب هي تلومت لاني انا تضايجت من اسلوبها معااي وانا طبعا كنت ابا احسسها بالذنب قلت لبنت خالتي تحط لها تصميم فيه صورتي وكلمات اغنية (لا تصدق)<<<<لزووم الحركاات
المهم...طلبت من بنت خالتي انها ترمسني عسب تعتذر لي وانا كنت ارفض ابا اشووفها بتهتم والا بطنش بس ما رضت الا انها ترمسني وتعتذر شوي وكلمتها واعتذرت لي وانا كنت شاااااااااااقه الحلج وااااااااااايد ارتحت لها بس الي ضايجني انها تحب

وبعدها كنا نسولف ونضحك (كل هذا وهي ما تعرف اسمي شو) ههههه..ومن سوالفها كنت اقول حق بنت خالتي ربيعتج واااااايد خقاااقه كل تتفدى عمرها عقب طلبت منها ترويني صورتها وطرشت لي الصورة كانت لابسه نظاره ف هالصوره جذبتني شفاااااتها وعقب طرشت لي صورتها الثانيه بدون النظاره و ف هالصورة عيونها شدتني يلست اطالع عيونها لمحت فيها اشياا نوع من الحزن نوع من الكتماان المهم قلت لها نظرتج تبين لي ان فيج اشياا
وبالحظ انا اول وحده فهمت نظرة عيونها لان الي قلته صح..وعقب انا طرشت لها صورتي..عدى هاليوم على سوالفي وسوالفها هي شفاتني وانا شفتها..وللبقيه تكمله